初見 (已結業)

行街嘅時候，朋友就想食西餐，而我就想食拉麵，搞到我哋傾咗好耐都諗唔到要去邊間餐廳。估唔到喺旺角行行吓，俾我發現到呢一間餐廳，一次過可以食到唔同種類嘅嘢，包括拉麵，意粉，漢堡，壽司，日式一人火鍋，石板燒等等。一次過可以滿足晒我哋兩個嘅願望，.而每個主食仲可以加$38，配以刺身湯同埋嘢飲。而佢哋嘅刺身係超級厚切，所以食得好爽。而嘢飲係熱柚子蜜。我同朋友就分別叫咗一個煙三文魚明太子炒扁意粉同安格斯牛肉•豚骨湯拉麵。每一份嘅份量都好夠，而牛肉拉麵裏面嘅牛肉非常之多，所以都食到好飽。而扁意粉嘅醬汁好夠，每一條意粉都可以充滿咗佢啲cream，所以味道都ok