影片
更多
2013-12-05
5241 浏览
其實，我一直都唔多鍾意團購。點解？唔係因為巴閉，疊馬同英雄主義，而係當你中過幾次伏之後，堅係見過鬼會怕黑。某日朋友同我講：組長團購150蚊有找，夠唔夠膽做唔做死士？佢講到咁，我唔去咪好衰仔？我哋本身真係抱住一個中伏既心態去組長，但今次又幾OK 喎！銅鑼灣鋪既座位的確比較迫，可能我哋得兩丁友，所以呢個壓迫既感覺就更加強烈。張台就明顯擺唔到好多野，所以都無謂一開波就曬冷啦！叫啲刺身熱下身先！可以選擇既刺身都唔少，有成12款。有三文魚、油甘魚、吞拿魚、白鳥貝、帶子、鮑片、針魚、甜蝦同埋希靈魚。當中除咗吞拿魚腥咗啲，其他都幾靚！全盤喺啲冰溶哂之前已經全清！試完刺身覺得唔伏之後，個心即時定好多，安心叫其他野！組長啲壽司飯細細舊，的確係可以試多幾款！(註：兩人份量)鰻魚唔會太甜亦都冇骨，嫩滑啖啖肉可以一戰。白色燶燶哋係火炙咗口魚邊，少少燶味都可以接受。呢隻魚幾得意，入口即溶，直頭唔覺得自己食緊魚，重魚油味不失鮮甜。不過，食太多會覺得膩。組長蝦唔錯，芝士味冇蓋過蝦味，爽口彈牙！和牛就真係唔得喇！韌到有啲吞唔落，除非你本身鍾意柴到喊嘅肉，否則呢個可以SKIP。安康魚肝，唔苦唔腥，如果你鍾意去板長試魚肝
點解？
唔係因為巴閉，疊馬同英雄主義，而係當你中過幾次伏之後，堅係見過鬼會怕黑。
某日朋友同我講：組長團購150蚊有找，夠唔夠膽做唔做死士？
佢講到咁，我唔去咪好衰仔？
我哋本身真係抱住一個中伏既心態去組長，但今次又幾OK 喎！
銅鑼灣鋪既座位的確比較迫，可能我哋得兩丁友，所以呢個壓迫既感覺就更加強烈。張台就明顯擺唔到好多野，所以都無謂一開波就曬冷啦！叫啲刺身熱下身先！
可以選擇既刺身都唔少，有成12款。有三文魚、油甘魚、吞拿魚、白鳥貝、帶子、鮑片、針魚、甜蝦同埋希靈魚。
當中除咗吞拿魚腥咗啲，其他都幾靚！
全盤喺啲冰溶哂之前已經全清！
試完刺身覺得唔伏之後，個心即時定好多，安心叫其他野！
組長啲壽司飯細細舊，的確係可以試多幾款！(註：兩人份量)鰻魚唔會太甜亦都冇骨，嫩滑啖啖肉可以一戰。
白色燶燶哋係火炙咗口魚邊，少少燶味都可以接受。
呢隻魚幾得意，入口即溶，直頭唔覺得自己食緊魚，重魚油味不失鮮甜。
不過，食太多會覺得膩。
組長蝦唔錯，芝士味冇蓋過蝦味，爽口彈牙！
和牛就真係唔得喇！韌到有啲吞唔落，除非你本身鍾意柴到喊嘅肉，否則呢個可以SKIP。
安康魚肝，唔苦唔腥，如果你鍾意去板長試魚肝壽司，你都會鍾意佢。
軟殼蟹手卷都幾好，軟殼蟹蟹炸到脆卜卜唔乾亦唔會太油，有少少蟹糕點綴，紫菜都係脆口，好食！
花之戀，櫻花魷魚同埋貝柱都冇咩特別，正常味。
天婦羅炸漿薄薄哋，全部唔油！我哋試咗個炸香蕉，冇變酸到，甜甜哋感覺都幾特別。
炸蠔唔係蠔豉SIZE，0霉腥味。
芝士年糕就真係冇得輸，我直頭要畀多個CLOSE UP佢！你睇，啲芝士溶溶哋有由滔滔江水連綿不斷，勁澎湃！
皮脆，年糕煙韌，芝士味都非常濃郁，但你哋試時記得睇熱。
鹽燒蝦，唔會過鹹！彈牙，正！
牛粒粒同壽司嗰片嘢完全兩回事啦！好食好多！香噴噴，牛味重，多肉汁又唔柴！牛脷都爽口彈牙，值得叫！
燒帶子都好食，個味有幾分似優之良品買到嗰啲，當然冇咁乾同硬啦！
燒羊架，勁Juicy，肉又嫩，叫咗好幾次！總括嚟講，今次團購絕對有驚喜，百幾蚊，好食，漏單唔嚴重，STAFF又會同你吹下水，仲想點？
組長，下次見啦！
张贴
