旮旯 (已結業)

沒有再差，只有更差。🍵抹茶紅豆卷（$30)之前已經食過佢呢間喺西九龍中心時期既糯米糍，已經係幾差下(可能係我唔識欣賞姐)，諗住佢搬左舖之後會唔會好少少，結果仲伏過之前。呢個抹茶紅豆卷，size 真身其實都幾細件，蛋糕質感係較實心，唔係濕潤鬆軟果種，而入面既抹茶忌廉食落似醬，份量比起蛋糕亦都太少，抹茶味唔夠亦都唔洗講有無回甘果啲，喺紅豆蓉相比下更加蓋過左所謂既抹茶味，差。另外當日仲有泰式奶茶味，奶茶忌廉其實係滑既，但可惜奶茶味係非常薄弱，做唔出應有水準。總結，呢間舖頭係唔需要特登過黎試，如果唔係會好失望，講完。温馨提示：甜品下午3點15分先開始供應，睇住時間切勿摸門釘。