大力水手炸雞 (已結業)

出差做嘢咁辛苦，仲要係航班經常會延誤嘅上海，梗係要食返個飽飽早餐打定底。過關後有好多餐廳，間間都耳熟能詳，今次就即管試下喺香港只可以喺機場見到嘅Popeyes~叫左個A餐再加兩隻雞翼。A餐包括 - 炒蛋、雞柳兩條、香腸兩條同飲品。炒蛋量少，質素一般不太香滑，香腸味道較淡，雞柳就炸得脆，配蒜蓉汁都幾好食。橙汁亦唔係鮮榨，得個甜字。加廿蚊嘅兩隻雞翼就又細隻又乾，完全唔掂。雖然機場食就預左高消費，但所有嘢加埋要$62，比起隔嚟幾間餐廳真係完全唔值。