味帝漢堡 (已結業)

星期日落街買下野，食下野已經變左習慣。最近大角咀區內開左好多間食漢堡既地方。早幾日行過見到有間新開既叫may day 今日就去試試啦，餐廳好細，只做外賣，無位堂食，除非坐門口。係門口見佢有試食價may day burger 賣20蚊，加薯條同汽水變做餐都係加15蚊，好扺食。等左20分鐘左右有得拎，因為係即做，期待都好大，不過我完全的失望。先係我翻到屋企，睇翻張相先發現佢收多左5蚊，熱狗餐30蚊，burger餐35蚊，加起應該係65蚊，點解要收我70蚊呀？唔想俾銀仔我？講翻個漢堡，生菜，唔新鮮，個尾仲開變黑，蕃茄，又唔知做咩俾埋個頂我。個塊所謂既秘製漢堡牛扒，好似食爛肉咁，完全無牛味，食落有少少肉桂味，勁怪。個薯條係用非油炸機炸既，都好香脆，仲要好粗薯條，都幾好，不過我唔會再黎食！