為食龍 (已結業)

呢間餐廳都好full下，要食記得book位，walk-in通常都冇咖。首先，讚咗先！佢間餐廳design得好有格調，staff都nice嘅，絕對係igable嘅餐廳，鐘意打卡嘅你，可以試，野食賣相好好，如圖，睇見都想食啦，係咪先？炙蟹膏膏厚燒玉子，芝士蟹籽厚燒玉子，牛油蒜香赤蝦，蟹膏甜蝦，呢4款腐皮壽司可以食，係好食嘅 (冇比較冇傷害)。佢個玉子唔會太乾，要讚嘅。個蟹膏係我覺得全晚都係比較岀色嘅一樣，所以有蟹膏嘅食物，我覺得都食得過。牛油蒜香赤蝦，都好食嘅，不過牛油味會重過蒜味，睇你要邊樣。海膽三文魚子，蔥吞拿魚拖羅蓉，三文魚類嘅腐皮壽司，就唔知係咪因為啲剌身唔夠凍，所以都好腥，朋友形容海膽係臭嘅，我估係陣腥味啦，自行判斷下。 銀雪魚西京燒($168)，呢樣我覺得最冇死嘅一樣，係個汁到岀咗事。嗯，個汁甜甜地又鹹鹹地咁囉，不過就同條魚唔夾。不過，條魚燒得好嫩係真嘅，係要讚嘅。蜜糖牛油雞翼，焦糖雞蛋布甸，Affagato，白玉奶蓋烏龍，正常，普通，一般，冇咩特別。我地3個人食，人均$340。如果你係在乎打卡，可以試，如果你在乎食物質素，知咩料啦~