東煮友喜私房菜

营业中

休息中

年頭搞左次飯局，有人問Matthew 有冇特別menu，結果問左一張地道山東菜單出黎。而由於太多人話有興趣，結果就當晚搞左四圍，仲要四圍都唔同menu，辛苦Fiona同Matthew，我估都係史上第一個客咁煩。當日應該食左大部分佢地嘅signature，龍蝦同象拔蚌真係想食好耐，終於都食到，而呢個酸辣薄荷象拔蚌真係不能錯過，醉辣汁加左薄荷葉後，味道昇華不少，勁厚身嘅象拔蚌絕對不能錯過。偷左隔離枱嘅避風塘龍蝦球，我覺得食得好爽，大隻到一個點，而家上枱嘅震撼唔會少過佢個賽磅蟹粉signature 。當晚精彩嘅還有全香港獨有的藏紅花藥膳白玉，大白菜豬肉水餃同老山東炸醬拌麵呢個當日整嘅手工菜都好深刻。加左茅台嘅陳皮紅豆沙，比起平時當然好得多。前排又有人問有冇枱，不過主理人話而家去到2025了。