四海魚村 (已結業)

今日要係深水埗睇一睇燈,睇完都差唔多鐘數要食晚飯,今晚想食辣,醒起之前有朋友介紹過四海魚村,睇下GOOGLE MAP 行過去都唔係好遠,今晚一於係果到開餐。一入去好大陣香辣味,頭望望睇下D人叫左D咩食,超多人叫水煮魚。而我今晚就想一下佢既奇妙雞煲睇下有幾奇妙。當你叫小辣,店員會問你麻辣既小辣定甜辣既小辣, 我簡左甜辣,怕麻辣太激~食辣野點可以唔叫涼拌小菜? 個人推介尖椒皮蛋,個皮蛋處理得好好,D醬汁又調得夠入味,上面會有一堆尖椒係到。至於山椒木耳,入量比想像中多,味道剛好,涼拌菜又點少得佢。雞煲除左香味足夠,味道亦非常濃郁,配菜(洋蔥﹑青椒﹑蓮藕等)為雞煲調味之外,索晒D湯汁更加好食。先食晒雞煲,然後我地加湯食埋牛肉﹑針菇﹑萵荀~ 加左湯之後個湯底淡左好多,係呢個時候估唔到店員會問下我地夠唔夠味,可以再加辣,相對貼心呀店鋪夠光猛,乾淨衛生,店員服務我想比爆星呀~下次試小菜四海魚村地址 :深水埗北河街48號地下2號舖電話號碼:35979462營業時間: 星期一至日11:00 - 02:00