Wingman (已結業)

今日叫左個雞迷上黎一齊叫雞，佢本身仲有雞翼放題，不過食量有限都係單點好d, 呢度雞翼口味都真係好多都好吸引。✨火燒牛油果： 第一次咁食法，燒過既牛油果有陣炭燒香，面頭仲有d 鹽吊味，估唔到又幾好食。 牛油果夠熟又軟滑，點埋個辣辣地既千島醬同埋青檸汁，又有另一番新鮮感。✨黑芝麻海鮮蜂蜜雞翼： 一客有6 隻，皮脆加上黑芝麻同埋甜甜地既醬真係好好味， 個甜味有種似曾相識既感覺，諗番覺得有d 似甜醬feel.✨日本吉列咖哩味雞翼： 個炸粉勁鬆脆，勁好味。炸雞反而內裏更juicy, 另外仲有個咖哩醬點好惹味。佢d 雞翼都真係幾高質， 食肉獸可以食佢個雞翼放題。✨南瓜意大利燴飯： size 都幾的骰，拳頭咁大。 個飯濕潤得黎有點蒜香同芝士味，個南瓜肉仲好甜。