影片
更多
2008-03-24
24 浏览
喺sina中咗幾張17/3晚優先場既飛,9:45未夠鐘,約埋朋友嚟呢度試吓,訂咗6:30,由於見有食家話訂咗位都仲要等,公司同mega box又只係一條馬路之隔,心諗早啲到可能唔駛等咁耐,所以早咗10分鐘到達;去到只得幾張檯係坐咗人,原來都唔係咁多人咋,可能因為係星期一啩…人齊後開始點菜,由每逢去到一間陌生食肆都會做資料搜集既我首先點咗食家讚好食既”好味檀香骨”($65),之後由一向鍾意清淡既靚女P點咗”翅湯時蔬浸魚滑”($55),靚女C提議點埋”新椒炒黃鱔片($68)”,果然好提議,bf唔食魚,我好耐都未試過一餐飯內食咁多魚喇,三個人食三個餸夠唔夠架?眼闊肚窄既我地仲想點多一款,我記得之前atv既May姐介紹過”生炒豆漿”($78),食順德野唔係應該點炒鮮奶咩?經過一番商議後決定點”生炒豆漿”,但靚女P後來話返俾我知我喺落單既時候係講咗炒鮮奶喎,是但啦,都點咗咯,鮮奶就鮮奶啦…檀香骨先到,冇諗過係用瓦煲形式上,好熱,啫啫聲,乜我地叫咗啫啫骨咩?由於怕黐底,侍應會喺上菜既時候用一個大勺將骨撈一撈,我怕佢撈完之後個樣唔靚,即時好緊張咁拎部相機出嚟,佢見我想影相,就好禮貌咁叫我影咗先,服務
人齊後開始點菜,由每逢去到一間陌生食肆都會做資料搜集既我首先點咗食家讚好食既”好味檀香骨”($65),之後由一向鍾意清淡既靚女P點咗”翅湯時蔬浸魚滑”($55),靚女C提議點埋”新椒炒黃鱔片($68)”,果然好提議,bf唔食魚,我好耐都未試過一餐飯內食咁多魚喇,三個人食三個餸夠唔夠架?眼闊肚窄既我地仲想點多一款,我記得之前atv既May姐介紹過”生炒豆漿”($78),食順德野唔係應該點炒鮮奶咩?經過一番商議後決定點”生炒豆漿”,但靚女P後來話返俾我知我喺落單既時候係講咗炒鮮奶喎,是但啦,都點咗咯,鮮奶就鮮奶啦…
檀香骨先到,冇諗過係用瓦煲形式上,好熱,啫啫聲,乜我地叫咗啫啫骨咩?由於怕黐底,侍應會喺上菜既時候用一個大勺將骨撈一撈,我怕佢撈完之後個樣唔靚,即時好緊張咁拎部相機出嚟,佢見我想影相,就好禮貌咁叫我影咗先,服務態度認真抵讚;翅湯魚腐…普普通通,靚女C話覺得腥咗啲同埋唔夠甜,食慣濃味既我就覺得好青囉;黃鱔片係檀香骨以外值得推介既另一個菜,呢個唔腥,鱔片夠脆口,好味,但靚女C仍嫌配菜既辣椒冇乜辣味喎,咁辣咪食唔到啲鱔味囉,傻瓜;喺我地都認為下一個會嚟既菜係”大良炒鮮奶”既時候,上檯既居然係原先諗住食既”生炒豆漿”喎,又會咁既,呢啲野整定既,可能喺我地商議梗既時候俾佢地聽到我地既決定啩,May姐話好香豆味架喎,快啲試吓先,咩嚟架,一啲豆味都冇既,論香,唔夠炒鮮奶香,論滑咩,賽螃蟹仲滑過佢喎,呢味菜睇嚟都要bad list咗先喇,由於呢個係我極力爭取要點既菜,喺靚女P同靚女C唔多鍾意食既情形下,由我一個人食咗2/3碟,好飽呀…
咩話?仲要點甜品?食唔落咯喎,靚女P話一餐飯唔食甜甜好似爭咗啲,終於叫咗兩碗”雙皮奶”($16)三個人分,一向好鍾意食野既我飽到唔想食,靚女P話見到我食個樣好似好辛苦咁,梗係啦,真係好飽嘛;但講真個雙皮奶又真係幾香同滑喎,唔嘥野既我最後都有將佢食清光…
以上除生炒豆漿同雙皮奶外,其它三個菜都有八折,埋單都係三百零蚊,叫咗咁多野都算抵食...
张贴
