影片
更多
2005-08-06
9 浏览
我屋企就係附近，所以就近黎過幾次。well，周6、日先有早茶飲，點心幾好食，有特色，蛋煎糯米雞，韭菜餃都幾好，可能主打都係小菜，點心選擇小，價錢較貴。小菜比較多選擇，我最鐘意食佢個檸檬蒸烏頭，佢地d 烏頭無泥味，加上檸檬味，空口食都唔錯，重有咸菜頭煮黃花魚，好香口，送飯勁正。有個蒼魚柳，係油炸o既，但又唔係好乾，送啤酒，好味，但係就細碟d ，但係你想下，靚蒼魚幾貴，收你幾十蚊，佢又無乜利潤。唔想食魚，可以食鹵水料，佢地d 鹵水鵝唔係最正，起碼好唔過蕪湖街新記，但係都叫做ok，鵝片都係50幾蚊，我就最喜歡佢d 豬腩肉，你唔好驚肥，你怕肥就無法享受好食物！佢地d腩肉入味，肥瘦相間，重有軟骨連住，又唔會好硬，但係又有咬口，好正。鹽焗雞係用嘉美雞黎做，係真正焗出黎，唔係鹽水雞，所以會耐小小，但係第一唔會乾巴巴，第二，好香口，但係就咸左小小，我已經同佢老細講左，佢話會改善。重有個一口牛柳係用真正牛柳黎做，好有肉味。裝修有特色，唔係好俗o既雕龍雕鳳，入門口勁有以前大戶人家氣勢，重有落地大玻璃，鯉魚門海境奉送。重要一提，原來佢地幾個經理都係以前係雅蘭酒店轉過黎，招呼當然一流la，就算帶朋友黎食，都肯
小菜比較多選擇，我最鐘意食佢個檸檬蒸烏頭，佢地d 烏頭無泥味，加上檸檬味，空口食都唔錯，重有咸菜頭煮黃花魚，好香口，送飯勁正。有個蒼魚柳，係油炸o既，但又唔係好乾，送啤酒，好味，但係就細碟d ，但係你想下，靚蒼魚幾貴，收你幾十蚊，佢又無乜利潤。
唔想食魚，可以食鹵水料，佢地d 鹵水鵝唔係最正，起碼好唔過蕪湖街新記，但係都叫做ok，鵝片都係50幾蚊，我就最喜歡佢d 豬腩肉，你唔好驚肥，你怕肥就無法享受好食物！佢地d腩肉入味，肥瘦相間，重有軟骨連住，又唔會好硬，但係又有咬口，好正。
鹽焗雞係用嘉美雞黎做，係真正焗出黎，唔係鹽水雞，所以會耐小小，但係第一唔會乾巴巴，第二，好香口，但係就咸左小小，我已經同佢老細講左，佢話會改善。重有個一口牛柳係用真正牛柳黎做，好有肉味。
裝修有特色，唔係好俗o既雕龍雕鳳，入門口勁有以前大戶人家氣勢，重有落地大玻璃，鯉魚門海境奉送。重要一提，原來佢地幾個經理都係以前係雅蘭酒店轉過黎，招呼當然一流la，就算帶朋友黎食，都肯定唔會失禮。睇得出老細係個有誠意，有理想的人。
當然，如果你想食正宗潮菜，你可能就會有小小失望，因為佢地好多菜都唔係潮州野，但食野但求好味，而家好多所謂本菜都唔似日本野la，人地要生存，唔通要人睇住摺都要一定要做正宗潮菜？當然，要蠔仔粥，紅燒魚標佢地都有，重唔錯添。
重有，佢地d 炒粉麵都唔錯，有個陳村粉幾好o架！
點解我對佢地咁有好感，因為坐得舒服，唔會迫迫夾夾，食到食得開心d，地方清潔，好有酒店feel，但係價錢又唔貴，食7 咁食，一個人都係百零蚊，所以我差唔多當佢飯堂一樣。當然，佢地都唔係100% 完美，但係，幾十蚊一個小菜，有咁o既野食，有咁既環境，你重想點？
张贴