叫咗燉肉意大利飯($148)、慢煮西班牙黑毛豬安($189)，加配迷你芝士留心蛋燒南瓜伴脆皮單骨雞翼 ($108)，連餐湯、一杯熱飲。
1. 羅宋湯好似水咁，明明碗湯係有材料，但就冇乜味
2.首先脆皮單骨雞翼係凍凍地，又勁乾，一睇就知翻炸/放左好耐。慢煮西班牙黑毛豬安又硬又乾，咬到牙較軟，請問慢煮嘅意義何在？唯一燉肉意大利飯叫做正常，份量都多。
3. 主食等左半個鐘以上，但我落單嘅時間係5:30左右，入座率五成都冇，完全唔明點解要等咁耐。
4. 定價非常進取，如果係咁嘅價錢，仲要加一，唔該俾返相應嘅質素。
呼籲大家唔好好似我哋咁蠢，主打甜品店，
但係食主菜，大伏！
