影片
更多
2011-08-08
44 浏览
以一間開係尖沙咀新區的小店來講，這間店的佈置係可以接受的，走一個優閒的路線。對於呢類小店，我個人係較有要要求的，因為理論上佢應該係較有心煮食物，食物應該係好食一d。我係平日下午二點幾去到，唔知道夜晚或者飯市會唔會好多人，我食的那一個下午就人少少。講返食物，因為友人好想試下佢的all day breakfast，所以我地亦來到呢一間小店。唔知係咪因為物價太貴，食物的份量真係太少。如果佢唔係話自己係all day breakfast都還好，但係傳統的英式all day breakfast應該係大份好多，同多d食物的。味道呢，我地加左$15，把蛋變左做Eggs benedict，佢個荷蘭醬係唔錯，蛋掌握的時間亦剛剛好，配合muffin的味道很好。不過其他食物呢…個條無味的腸係凍既，個片火腿亦係凍既，那個蕃茄其實我以為係營養不良的，我又唔係放左好耐先食。最令我難受的係茄汁豆同蘑菇，罐頭好貴？我大拿拿俾成舊水食，佢俾一啖仔茄汁豆？仲要係罐頭貨？如果係佢自己煮的都叫有誠意。蘑菇呢？真係少到我未試得清楚佢個味。如果佢收我一百大元，我真係覺得係質素同份量上都真係唔值。當日我地仲食左一個set lunc
講返食物，因為友人好想試下佢的all day breakfast，所以我地亦來到呢一間小店。唔知係咪因為物價太貴，食物的份量真係太少。如果佢唔係話自己係all day breakfast都還好，但係傳統的英式all day breakfast應該係大份好多，同多d食物的。味道呢，我地加左$15，把蛋變左做Eggs benedict，佢個荷蘭醬係唔錯，蛋掌握的時間亦剛剛好，配合muffin的味道很好。不過其他食物呢…
個條無味的腸係凍既，個片火腿亦係凍既，那個蕃茄其實我以為係營養不良的，我又唔係放左好耐先食。最令我難受的係茄汁豆同蘑菇，罐頭好貴？我大拿拿俾成舊水食，佢俾一啖仔茄汁豆？仲要係罐頭貨？如果係佢自己煮的都叫有誠意。蘑菇呢？真係少到我未試得清楚佢個味。如果佢收我一百大元，我真係覺得係質素同份量上都真係唔值。
當日我地仲食左一個set lunch，唔知係咪兩點幾的關係，湯係凍既，麵包都硬硬地，我亦食唔出那片帶少少酸味的係乜包。主菜意粉蝦意粉呢？又一個驚喜，入口一刻我有諗過佢係咪唔記得調味，還是我叫左「橄欖油炒意粉」？加兩粒鹽唔係好貴掛？幾錢？又係多謝差不多一百元。
至於咖啡？我加左$15要Latta，我無記錯的話Latta係鮮奶咖啡，但係我又飲唔出d奶多左係邊，還是店舖誤會左Latta只係面個層泡係奶，裏面係同Cappuccino一樣？
係香港開一間食店好易，經營一間食店才難。我真係感受唔到佢地有誠意煮食物，亦無心煮一d好食的東西，佢地只係按食譜煮完買俾人，食你唔死無驚喜個隻囉。後話，佢d餐具同碗碟洗完都仲有少少漬，佢俾我個杯仲有滴咖啡漬。
张贴
