Séan Café & Lounge (已結業)

朋友見次次都多人係門口等，話想試，星期日下午三點幾黎到，好彩一黎就有位，入座無耐就開始有人龍裡面客人幾乎全部都係女性，其實佈置真係好女性化，唔覺得會有男士有高興趣呢啲cafe其中兩枱係一大班媽媽+BB, 呢度係乾淨企理既， 方便有小朋友既客人，始終小朋友中意周圍摸，選間乾淨既餐廳好重要。但唔好既係呢度唔夠梳化位，特別係多人既時間，同你係多於兩人既話都難啦。媽媽們都係坐膠椅咋如果真係抱BB既就會坐得無咁舒服既。cafe係年輕waiter為主，可能因為主要serve女性，有兩三個，service 唔錯，但serve我地果個好似比較新手。三文魚沙律，同意粉普普通通，諗住甜品應該好啲啦，叫左件有百香果既，正常咋。打完一次卡就算啦，我呢啲客人係選擇以食物為本。