名代宇奈備長炭燒鰻魚飯專門店 (希慎廣場) (已結業)

香港嘅鰻魚料理其實一食就食得出係新鮮定雪藏。係超級市場買條鰻魚，大多數都薄身冇咩肉。今次去嘅呢間餐廳，鰻魚肉質素不太好，個人更認為同超市買嘅冇分別。-男朋友見到呢間專食鰻魚飯嘅餐廳，就帶呢個鍾意食鰻魚又唔鍾意去日本嘅我去😂位於銅鑼灣希慎嘅呢間鰻魚專門店，沒有特別嘅裝修。當時晚飯時段，店內客人唔太多。menu上主食全部都係鰻魚😂男朋友唔太好鰻魚，唯有焗住叫。佢叫左鰻魚重 上（$138），即是正常鰻魚飯再多一舊鰻魚肉。而我叫左特上（$158）。就多左一舊肉😂食落並冇特別感覺。鰻魚肉質參差，薄之餘又多骨🤦🏻‍♀️鰻魚唔似係燒出黎，似番熱。咁嘅價錢加上係專食鰻魚的餐廳，入貨的鰻魚竟然會同超市買到嘅一樣。由第一啖已經好失望不過份量是比想像的多，飯唔係薄薄一層，所以食唔哂。汁亦都多，令到飯唔會好乾。-整體唔推薦的。認為唔抵食，材料唔新鮮。因為唔係餐廳格局，比較開揚，環境較嘈。