影片
更多
2017-12-15
117 浏览
購買了團購，一行十八人去食放題，其實walk in 和團購只是多食一小時之分別，但一大班人都係食得鬆動啲好。已訂枱，但去到竟然係自由坐，連水杯都未有，全場大概三成客，都可以無乜準備，自助取杯加水，真想像不了假期晚上。坐下就開始點食物，一開始當然點刺身啦，入了四五張，半個鐘都只有一兩盤細盤刺身，每人兩件就KO, 我自己交的那張要一個鐘才出現，再交第二張又一個鐘，那三個鐘豈不是食唔飽？ 找了個part-time 侍應哥哥了解，他諮詢了高層後的回覆： “我哋其實得一個刺身師傅” “我哋除咗刺身，仲有其他嘢食架!” “你地想食咩？我幫你追追” “啲刺身出現漏單，都因為太多客人食唔哂，所以......" “你哋有火煱架喎，不如食埋火煱啦”一大堆無稽的理由!結果三個鐘斷斷續續咁黎左三四轉小盤刺身，最愛嘅油甘魚，出左幾件之後就話賣哂，當然無佢扶啦！但咁做生意法，不如做拉麵放題，炒飯放題啦! 熟食就勁快出，刺身就拖得就拖！其實個侍應哥哥好有禮貌，但啲高層明明在場，喺偏廳晚餐緊，都唔敢出黎招呼人客，我地臨走時，都當住突然出現嘅“侍應” (著便服，喺門口講多謝哂!高度懷疑佢係高層) 同個後生仔講：唔好喺呢
已訂枱，但去到竟然係自由坐，連水杯都未有，全場大概三成客，都可以無乜準備，自助取杯加水，真想像不了假期晚上。
坐下就開始點食物，一開始當然點刺身啦，入了四五張，半個鐘都只有一兩盤細盤刺身，每人兩件就KO, 我自己交的那張要一個鐘才出現，再交第二張又一個鐘，那三個鐘豈不是食唔飽？ 找了個part-time 侍應哥哥了解，他諮詢了高層後的回覆：
“我哋其實得一個刺身師傅”
“我哋除咗刺身，仲有其他嘢食架!”
“你地想食咩？我幫你追追”
“啲刺身出現漏單，都因為太多客人食唔哂，所以......"
“你哋有火煱架喎，不如食埋火煱啦”
一大堆無稽的理由!
結果三個鐘斷斷續續咁黎左三四轉小盤刺身，最愛嘅油甘魚，出左幾件之後就話賣哂，當然無佢扶啦！但咁做生意法，不如做拉麵放題，炒飯放題啦! 熟食就勁快出，刺身就拖得就拖！
其實個侍應哥哥好有禮貌，但啲高層明明在場，喺偏廳晚餐緊，都唔敢出黎招呼人客，我地臨走時，都當住突然出現嘅“侍應” (著便服，喺門口講多謝哂!高度懷疑佢係高層) 同個後生仔講：唔好喺呢度屣時間喇!喺度學唔倒嘢架！
結果換黎一肚氣，但食唔飽! 希望大家買佢團購前，或去食嘢前，慎思!
张贴