陣屋 (已結業)

環境整潔，剛好安排坐卡位，幾舒服，但燈光略嫌昏暗。至於餐牌內有好多相片，但始終覺得選擇不夠多。秘製辛口雞翼，$6一隻，帶點脆，好多汁，味道幾MATCH，有誠意，抵食過KFC先啦！鹽燒蕃茄豬肉串($22)，兩者配搭出奇地夾，清新感覺！鹽燒安格斯牛肉串($28)，過了火，太硬！麵豉牛筋飯，味道很濃，但卻感受不到麵豉的味道。但都幾好食！天婦羅冷扁烏冬($58)，有兩隻蝦、一隻冬菇、一隻茄子，略嫌炸粉太厚。至於扁烏冬則沒有特別！餐牌內之食物不算太貴，每款也是幾十元，SIZE不算大，可能藉此希望顧客可以點多幾款試，但個人卻覺得沒有太多選擇！