宇治園 (已結業)

星期日相約在下午，三人中二人已食午飯，肚子餓著嘅朋友即時提議「宇治園 」，佢可以輕食湯麵，我倆又可以甜品下午茶，一舉兩得。「宇治園 」位於商場二角，前身亦係cafe甜品店，以為等第三張枱唔會太耐，結果都係一等再等，只因店舖面積細，另一邊為零售店，就正因是商場一角，枱位較密又沒有景觀。同樣要收取茶費，第一壺茶都算清香抹茶味，但第二沖已淡而無味了。三人各有選了如下：《焙茶芭菲》我嘅選擇，芭菲賣相非常吸引，每層配搭分明，似一杯圖畫。焙茶雪糕無想像中香濃，奶味比較重，反而上層塊茶餅乾仲香濃，又有紅豆+丸子配雪糕。中層忌廉、脆脆粒+焙茶蛋糕一齊食，好味。最下層係焙茶啫喱，比較淡無咩焙茶味。整體係賣相豐富吸引、味道不過不失。《焙茶啫喱》焙茶啫喱嘅內容喺芭菲已包括在內，感覺一樣雪糕不夠焙茶香濃、啫喱味淡。《日本野菌雞肉生茶麵》朋友話ok，生茶麵微微茶味，伴上一點雞肉野菌，清清湯底，算係咁喎！「宇治園 」整體感覺名過於實，論環境和食物質素，性價比的確好一般，今次一食後，暫時未有下次再來打算！