龍鳳號 (已結業)

上網見到呢間新既台灣餐廳，本身都中意食台灣野，觀塘好少台灣餐廳，所以有新開都要試。7點去到有好多人排緊隊，姐係話都唔洗諗可以坐得耐，但新餐廳都係咁，算啦。我地叫左肉燥飯，肉燥新竹米粉，炸雞腿，燒茄子，冬瓜茶同埋仙草凍。肉燥飯同新竹米粉都唔錯既，但份量有d少，新竹米粉既蒜蓉好食！聽講過炸雞腿好食，就叫左個炸雞腿，但好失望，雞腿好乾，皮唔脆，真係唔係幾想食。食完就食仙草凍，上網明明講到好好食，期望好高，點知上到黎果下都幾失望，份量唔大，芋圓好硬，如果自己食曬既話應該口都甩埋......可能係去之前期望太高，真係幾失望下，份量偏細，價錢偏高，唔算太好食，嗯，應該無下一次。