雜錦壽司定食：（前菜）沙律、（主菜）雜錦壽司鳥冬、（甜品）布甸及（飲品）凍檸茶
三文魚親子飯定食：（前菜）沙律、（主菜）三文魚親子飯、（甜品）布甸及（飲品）熱檸水
首先，講下食物：
前菜：只係生菜＋栗米＋沙律醬撈埋既沙律，唔太新鮮，味淡，仲夾雜左D水，可能係雪櫃攞出黎時已經放左陣先比客人。
主菜：雜錦壽司鳥冬－如下圖（男友等到太餓食左一件），肉質唔新鮮，感覺超市買既壽司都好過佢，肉既份量正常但係飯既份量好少好少。鳥冬只係一般既醬油味鳥冬，份量正常，無特別。
主菜：三文魚親子飯－整體份量足夠，三文魚唔新鮮，有微溫同埋無味，三文魚籽個質感好怪，有D一 口就可以咬破，有Ｄ係好硬，好難先可以咬開。個飯既份量過多，2個人都食唔晒。
甜品：布甸－因為侍應係上主菜同時比埋個（凍）甜品我地，到我地可以食個甜品時，甜品已經暖左，我只係感覺到係花奶布甸，味道啖，口感似羅x臣系列！
飲品：凍檸茶同熱檸水無特別，無問題～
收費係：$78/Set（凍飲加$3，另有加一服務費）
