拾柒號冰室 (已結業)

約左個朋友在樓下傾點事，見落雨濕濕，不便行遠，就近近地來了這裡。一心來吃晚市套餐，但見佢個火窩上市，個豬骨窩底只賣38蚊，好似幾抵，就試佢一試。個窩底都幾多料，不過就全部都是斬開的豬腳骨，幾片蘿蔔三舊粟米，加埋芫萎及芹菜，看上去都幾豐富。湯滾起先吃豬骨，都算有點肉，帶筋的部份當然豐腴可口。要了幾碟火窩料，包括四寶丸、草菇、娃娃菜、肥牛等，價錢普遍幾便宜，大都是十幾蚊一碟，當然質數亦麻麻地，如草菇不是新鮮的，牛肉是幾片長長的雪藏肥牛，只有娃娃菜算是又靚又甜。不過回想起來，加兩杯凍飲及一碟米線，兩個人吃得飽飽都只是138蚊，幾便宜，一分錢一分貨色，無可厚非。用電磁爐，幾乾手淨腳又快滾。