焱手工涮涮鍋 (已結業)

年初四十點幾同朋友行完街肚又餓周圍揾嘢食，行行見到街上面貼左張，幾靚宣傳海報大字標題（三味鍋）睇落去都幾吸引，重要有85折，諗都唔諗就衝上去試試，上到去坐底諗緊散叫定係叫套餐好，有一個好有禮貌就介紹我食套餐，重要一邊介紹就話個火鍋有得食有得玩，點知個鍋真係分左三格，一格係四川麻辣火鍋湯底，另一個就係人參湯底，另外一個就係用清酒加熱後點火，點知火槍點來點去都點唔著，然後就加所稱為濃湯，我都唔知道有咩好玩，首先個麻辣湯底太鹹，人參湯底勁多味精，清酒加濃湯好苦，套餐入面有就份前菜都算好味，海鮮有兩隻蝦，兩隻大蜆幾塊魚，當時我好奇問個樓面，幾塊係咩嘢魚，點知答我「唔好意思我負責做樓面，所以我唔清楚出品部材料」，唔係掛咁樣答我，海鮮真係一般，到丸類話係自家制，一放入口就食到滿口都係粉，到我最愛牛肉我諗話哂牛肩脊應該包無衰，睇落牛肉都幾靚但係食落去全無牛肉味『失望』重有兩條蝦棒少少彈牙都無，重有兩杯飲品紫貝天葵淡而無味，整體來講埋單要5百幾食放題火鍋重好食好多，味精太多，所以只可以試一次就無下次。ps：返到屋企我整整飲左過10杯水