晚餐唔想煮飯，就落黎呢到食個套餐
座位餐枱都算闊落，餐廳裝潢都算有空間感
手機落單，唔洗叫待應，方便唔洗煩，因為叫佢地拎杯水有排先會應機
衛生程度OＫ，可以接受。
食物評價
朋友叫左個燉排骨定唔知炆肉，唔係好記得
一點完單，唔洗五分鐘就上菜，快得可怕，味道唔算好，亦唔算差，無乜記憶點
Ｄ肉就真係好淋，淡到一夾就散果種
如果有機會就唔好點呢個套餐了，唔建議
鳯梨鮮果甜酸肉 $93
呢碟菜等左一陣子先到，我相信廚房係需要即炒先花時間上枱
份量夠多，好滿足，擺盆有花思，有半個菠蘿做裝飾，但其實唔需要都得
咕嚕肉都好好味，加埋D鮮果炒，好JUICY，啖啖肉
菠蘿份量又夠多，非常推介大家點呢度菜
整體：我會剩係推介鳯梨鮮果甜酸肉，好味。
