韓松 (已結業)

剛巧見倒它在openrice做pormotion，原價$718「烤熟成生西冷牛排套餐」現在半價，所以即時就訂枱試下。環境方面，裝修都ok，樣樣好新淨同座位都好寬闊。首先睇下餐牌先，差不多全部都係set，散叫比較少選擇。講番個餐，我見倒其他人寫可以選擇粥或湯，不過店員無問我地就直接俾左粥:(
先來有沙律、粥、酸蘿蔔、蔥、泡菜，略嫌粥太淡。:(

沙律、粥、酸蘿蔔、蔥、泡菜

次後再來主菜，有西冷牛排、牛五花腩、洋蔥、南瓜、茄子，成個大鐵盆放在熱爐上我才知道係就咁燒。

西冷牛排、牛五花腩、洋蔥、南瓜、茄子

侍應好細心會幫你燒埋，不過佢地燒得太快，根本食唔切，反面令食物變涼。而西冷牛排完全沒有驚喜，只是將普通一塊未經醃製的牛排燒熟，所以只能說很有牛味，反倒是加埋酸蘿蔔一起吃會幾醒胃，而且可以減去油膩。

專人幫你燒

另外還有蔬菜包飯，平時日本飯糰都好好味，心想蔬菜包飯這個配搭幾特別，應該會幾好味又健康，點知完全無味道，同個粥無分別，完全不值一提。

蔬菜包飯

Overall，「烤熟成生西冷牛排套餐」只可說很普通，好似就咁將生肉燒熟，味道沒特別，如果是原價$718絕對不值得。另外，建議日後放些心思在粥同蔬菜包飯上，味道淡而無味，唯一可以一讚只有酸蘿蔔。