池記 (已結業)

呢個星期超累，完全冇時間同精神去寫食評，趁今日星期六睇完波有ｄ時間，就補番ｄ食評先！先是禮拜三，難得兩位靚女大忙人約我食飯，點都要抽時間出席，就連西班牙場波都冇睇，都幾大損失，哈哈！又係去朗豪坊，但今次好似特別多人，真奇怪。行勻成個圈，一係ｄ餐廳唔岩口味，一係就勁多人，最後來到池記。這裡的檯的設計實在唔多實用，又放唔得多野，我個frd成晚都覺得好唔順眼。坐定定就點菜，每人叫一個餐share食，有豬軟骨飯、魚片手打魚麵、黑椒豬扒飯、瑤柱蘿蔔、炸南瓜卷和豆腐花。幾樣野都唔錯，豬軟骨有口感，蘿蔔算入味，黑椒豬扒幾多肉，不過手打魚麵就一般之後既豆腐花亦唔多滑。總括來講，食物不過不失。難得同久未露面既靚女專業人士食飯，當然會傾好耐計。幸好呢間餐廳都唔會趕客走，服務還算可以。不過呢間食肆唔知點解只收現金，本來我想盡男士既風度去埋單，點知身上得幾十蚊，真係瘀皮。