影片
更多
2015-12-06
1462 浏览
閒日攞左假，諗住入南生圍行下，於是search下元朗有咩好野食，見到呢間校長燒肉評語好似唔錯，一於訂位。門口大大個牌寫明幾錢，明碼實價，燒烤自助餐$78，午市88折，連埋加一，等我拎個算盤出黎計下……即是每人$80唔到，咁平？唔好理，入左去先算。黎到好快就可以入座。同其他日韓任食唔同，校長全部都係大枱同梳化，坐得好闊落，放目出去，有一人自隊，有成枱學生哥，可見呢度已成為元朗人既抵食飯堂。出去「打個冷」睇下有咩食先，唔簡單喎，生食、熟食、魚生、壽司、沙律、甜品……而且每款既選擇都有好多，舉少少例子：生肉類：原味雞翼、香辣雞翼、雞腎、叉燒、原味雞扒、辣味雞扒、香辣豬扒、豬頸肉、牛聊粒、黑椒牛扒、金沙骨、魷魚翼、五花腩、肥牛、雞肉腸、芝士腸、煙鴨胸、豚肉、紅腸、台灣腸、牛丸、麻吉燒、多春魚、龍脷柳、鯖魚、魽魚柳……以上只係講緊生肉，仲未計其他，無氣唔講住。咁多野食，我採取一盤肉、一盤菜、一盤海鮮既策略。要讚一讚既係，好多任食BBQ都會醃到D肉勁鹹，食完好似要即刻洗腎咁，呢度就勝在醃得入味得黎唔會死鹹，我覺得好好味。肉類尤其推介雞翼、金沙骨、雞扒，肉質嫰滑，只要個火先猛後收細，就可以做到外脆內
門口大大個牌寫明幾錢，明碼實價，燒烤自助餐$78，午市88折，連埋加一，等我拎個算盤出黎計下……即是每人$80唔到，咁平？唔好理，入左去先算。
黎到好快就可以入座。同其他日韓任食唔同，校長全部都係大枱同梳化，坐得好闊落，放目出去，有一人自隊，有成枱學生哥，可見呢度已成為元朗人既抵食飯堂。出去「打個冷」睇下有咩食先，唔簡單喎，生食、熟食、魚生、壽司、沙律、甜品……而且每款既選擇都有好多，舉少少例子：生肉類：原味雞翼、香辣雞翼、雞腎、叉燒、原味雞扒、辣味雞扒、香辣豬扒、豬頸肉、牛聊粒、黑椒牛扒、金沙骨、魷魚翼、五花腩、肥牛、雞肉腸、芝士腸、煙鴨胸、豚肉、紅腸、台灣腸、牛丸、麻吉燒、多春魚、龍脷柳、鯖魚、魽魚柳……
以上只係講緊生肉，仲未計其他，無氣唔講住。
咁多野食，我採取一盤肉、一盤菜、一盤海鮮既策略。
要讚一讚既係，好多任食BBQ都會醃到D肉勁鹹，食完好似要即刻洗腎咁，呢度就勝在醃得入味得黎唔會死鹹，我覺得好好味。肉類尤其推介雞翼、金沙骨、雞扒，肉質嫰滑，只要個火先猛後收細，就可以做到外脆內嫰。另外必食既，就係麻吉燒，出面係煙靭魚蛋，中間係一層更煙靭既年糕，好好味，雖然已經食到爆胃，都仲係encore多兩粒。
蔬菜類除左有雞脾菇、粟米、南瓜、秀珍菇、三色椒、韭菜、鮮冬菇、金菇……等等之外，最特色係仲有錫紙杯裝住既蒜蓉粟米、牛油雜菇，成杯放響爐上面燒，前者粟米夠甜，蒜蓉調味夠香；後者有天然菇香，加埋牛油，菇味更出，記得燒時要攪下佢，否則易焦。
海鮮方面，一定一定要食魚柳，所有魚柳都好味，好滑，啖啖肉，我尤其鍾意龍脷柳，加左香草去醃，好有西式風味，而且夠滑有魚油，大愛！
飲品方面，除左罐裝汽水任拎唔嬲，仲有人蔘雞湯、羅漢果茶、芝麻糊。杜如風做人唔自私，鬈毛妹做人就唔貪心 (實在係貪心，但個胃唔夠大)，只試左雞湯同羅漢果，兩種都偏淡，如果可以濃少少就更佳，不過我依然欣賞可以響燒烤飲羅漢果，夠pure 夠true，好潤，成功減低罪惡感。
以為咁就完？都未食甜品。甜品細細杯，但一樣唔hea。我拎左西瓜涼粉、朱古力布甸、咋渣，三樣都好足料，而且唔會太甜，我尤其鍾意個朱古力布甸，香滑到癲，而且好濃朱古力味，好味過出街俾錢買，唔怪得只搶到一杯。總括黎講，$80蚊食到咁既質素，我覺得好超值，下次再黎元朗玩，咪再食黎食過果兩間，黎試下呢間都唔錯。
张贴
