最近發現分店愈開愈多，趁熱鬧都食左2次！等位最起碼一小時！首先想講下茶木係香港人開，絕對唔係台灣品牌！
一向都好中意食台灣牛肉麵，第一次係依間食，覺得個湯底好濃好惹味，都幾好食！所以第二次去又再食啦！不過走果時無意中發現Ｄ紙箱寫住係大陸入口的牛肉湯汁罐頭，雖然好多食店都會用依Ｄ即開即食的材料調味，可能一直食開台灣餐館都係標榜自家炮製湯底，所以對咁樣有所保留！
叫左個鹽酥雞，勁爆乾，係街邊小食店果Ｄ仲好食過佢，，，，，最後大家都食唔晒，，應該係話唔想食！（見上圖）
覺得好食的只有厚多士，而且好岩女仔食，好多士多啤梨，份量充足，一邊吹水，一邊你一口我一口係唔錯的選擇！食完超級飽！
如果下次黎食都只係食多士，Ｄ熟食真係一般！
