利寶閣 (已結業)

豪宅商場既酒樓，所有服務員/經理都只掛住招呼熟客，同熟客吹水，生客完全唔理會，全部食物上到枱都係凍既，連乳豬都係凍既，只有羊腩煲係熱既，因為有個爐熱住，好彩荷葉飯都係熱既。最後埋單問佢有冇糖水送，因為見到好幾枱都有，隔離枱仲誇，有糖水生果糕點同曲奇餅，個收銀都想叫人羅糖水，點知另一個阿姐話係食套餐先有，我心諗明明就係散叫，套咩餐呀，心諗算數只會黎一次，下次請我都唔黎，貴錢又唔平，又零服務，唔怪得已經有甘多負評，未試過食完餐飯即刻要寫個食評！