影片
更多
2007-05-04
22 浏览
5.1假期本來諗住同屋企人去北角街市ge北海漁村食辣椒炒蟹同魔鬼魚，唔知係放假定執咗，竟然無開（睇怕後者居多，公眾假期點會休息），於是唯有轉移陣地，去咗附近ge勝利食海南雞飯．第一次去但睇環境已知係”寸”鋪～一係未夠6點半已經要等位；二係牆上貼咗阿蘇同蔡san ge 食評（雖然係試食佢哋間何文田店）～咁仲寸唔起！一行六人等咗5分鐘左右有位，坐低即刻叫餸（睇環境都係拿拿淋食完要趕你嗰隻）：－去骨海南雞半隻（侍應哥仔話去唔去骨都係一樣價錢，咁梗係食得”了lun" d 啦）；－鹵水豬脾仔；－咖哩牛腩；－XO醬炒雞柳帶子西蘭花；－椒鹽炸鮮魷；－2碗油飯+1碗白飯；－加2杯青檸梳打海南雞有d失望，話晒係鎮店之雞，滑就夠滑（但只限於幾舊雞脾部份，其餘都係雞胸，都幾鞋）但就無咩雞味，醬有甜黑豉油同姜溶，都ok．鹵水豬脾仔同炸魷魚真係唔錯，豬脾味道拍得住泰國街邊正宗ge 豬脾仔，皮炆得鬆化，肉亦好焾，加埋伴碟ge咸酸菜，所以食多幾舊都唔覺"Lau"．鮮魷亦炸得好好味，唔會乾爭爭，加埋D椒鹽蒜蓉，辣辣哋好正．咖哩牛腩就怪誕D，個汁傑到好似漿咁，無咩咖哩味，但係牛腩又係炆得好焾．最奇怪ge係呢個咖哩牛腩係
第一次去但睇環境已知係”寸”鋪～一係未夠6點半已經要等位；二係牆上貼咗阿蘇同蔡san ge 食評（雖然係試食佢哋間何文田店）～咁仲寸唔起！
一行六人等咗5分鐘左右有位，坐低即刻叫餸（睇環境都係拿拿淋食完要趕你嗰隻）：
－去骨海南雞半隻（侍應哥仔話去唔去骨都係一樣價錢，咁梗係食得”了lun" d 啦）；
－鹵水豬脾仔；
－咖哩牛腩；
－XO醬炒雞柳帶子西蘭花；
－椒鹽炸鮮魷；
－2碗油飯+1碗白飯；
－加2杯青檸梳打
海南雞有d失望，話晒係鎮店之雞，滑就夠滑（但只限於幾舊雞脾部份，其餘都係雞胸，都幾鞋）但就無咩雞味，醬有甜黑豉油同姜溶，都ok．
鹵水豬脾仔同炸魷魚真係唔錯，豬脾味道拍得住泰國街邊正宗ge 豬脾仔，皮炆得鬆化，肉亦好焾，加埋伴碟ge咸酸菜，所以食多幾舊都唔覺"Lau"．鮮魷亦炸得好好味，唔會乾爭爭，加埋D椒鹽蒜蓉，辣辣哋好正．
咖哩牛腩就怪誕D，個汁傑到好似漿咁，無咩咖哩味，但係牛腩又係炆得好焾．最奇怪ge係呢個咖哩牛腩係放係”小食”個欄，但係份量足夠送兩大碗白飯．
杯青檸梳打就差咗D，細杯不在講（有D貨不對辦，因為阿蘇介紹佢哋何文田間分店嗰杯好大杯ga），仲甜到漏，我要等D冰溶得7788至飲得落口，奉勸各位如要order千萬要少甜．
菜真係上得勁快，前後食咗唔夠一個鐘．所以話呢度真係只宜外賣，不宜堂食啦！
张贴