影片
更多
2021-08-19
249 浏览
話說半島的大堂茶座在我心中最難食嘅下午清單中穩佔一席之地，但系坐落在basement哩間新開嘅半島咖啡廳，卻因為佢隻超可愛嘅門僮帽熊仔令我再次蠢蠢欲動😂。咖啡廳10點開始營業，特別鳴謝朋友晨早9:20親臨取籌，雖然前面已經排咗幾個人，但系都成功取得2點籌。整個咖啡廳只有5張雅座，環境唔錯，墨綠色嘅設計令環境典雅高貴，但系在裝修上嘅特色打卡位就冇咩。好啦我個期望在d野食度所以我唔介意😂。特別提提女侍應服務非常出色，不愧為五星級酒店嘅服務。一開始朋友因為有唔少疑問，佢都不厭其煩地一一解答，在食物上都逐一建議，重點系，幇我哋影相嘅時候冇任何唔耐煩，眼帶微笑(戴住口罩都睇得出)，200分😂😂👍。HKD575兩位來講，我個人認為食物系超值。個門僮帽小熊甜品托係成件事嘅亮點，謀殺咗我好多菲林😂😂。共8款甜鹹點我哋叫咗各一件，無論甜點定鹹點都冇野難食，甜點方面個拿破崙好脆好正，香芒布甸芒果味濃，絕不失望。而鹹點嘅吞拿魚泡菜三文治一開始食覺得怪怪地，但系知道係泡菜味後又覺得幾新奇，其他全部正常發揮。馬卡龍甜到出汁，以為隔離粒朱古力都係有外貌冇實力，點知個朱古力苦澀度剛剛好，中和返粒馬卡龍嘅甜膩，所以大
咖啡廳10點開始營業，特別鳴謝朋友晨早9:20親臨取籌，雖然前面已經排咗幾個人，但系都成功取得2點籌。
整個咖啡廳只有5張雅座，環境唔錯，墨綠色嘅設計令環境典雅高貴，但系在裝修上嘅特色打卡位就冇咩。好啦我個期望在d野食度所以我唔介意😂。特別提提女侍應服務非常出色，不愧為五星級酒店嘅服務。一開始朋友因為有唔少疑問，佢都不厭其煩地一一解答，在食物上都逐一建議，重點系，幇我哋影相嘅時候冇任何唔耐煩，眼帶微笑(戴住口罩都睇得出)，200分😂😂👍。
HKD575兩位來講，我個人認為食物系超值。個門僮帽小熊甜品托係成件事嘅亮點，謀殺咗我好多菲林😂😂。共8款甜鹹點我哋叫咗各一件，無論甜點定鹹點都冇野難食，甜點方面個拿破崙好脆好正，香芒布甸芒果味濃，絕不失望。而鹹點嘅吞拿魚泡菜三文治一開始食覺得怪怪地，但系知道係泡菜味後又覺得幾新奇，其他全部正常發揮。
馬卡龍甜到出汁，以為隔離粒朱古力都係有外貌冇實力，點知個朱古力苦澀度剛剛好，中和返粒馬卡龍嘅甜膩，所以大家唔好以為佢係死甜就pass咗佢(因為隔離枱比粒馬卡龍甜死咗之後就放棄咗朱古力😂)。
最後，如果唔食下午茶set的話就唔洗walk in取籌，可以在早上或者中午蒞臨，叫返杯咖啡配件cake，價錢同出面coffee shop差不多，而打卡一樣一流。
张贴
