影片
更多
2018-11-24
493 浏览
話說係新加坡好出名，日日排晒隊既天天海南雞飯，係香港既第二間分店進駐圓方，星期六lunch諗唔到食咩，就決定去試下佢。除左天天海南雞之外，仲引入左其他榮獲新加坡米之蓮推介既餐廳品牌，係香港地咁租貴，加上飲食市場競爭咁激烈，又點能夠只賣海南雞一款食物呢，作為食客就覺得一間餐廳就可以試晒幾間餐廳既招牌菜，夠晒方便。午市套餐留意返，仲左主食之外，呢個套餐係set死你一定要加錢配埋小食再加錢配餐飲。講真唔算好吸引，椒鹽豆腐、雞油小棠菜、溏心蛋之類，價錢都唔平，但就一定要你加配，其實我只係想食個海南雞飯姐.... 落完單，唔洗十分鐘，好快就上齊菜，碗湯清到好似水，加埋蔥花，味道好淡，感覺似味精雞粉加滾水。雞油飯幾好味，飯煮到粒粒分明，軟硬適中，有雞油香味，唔會太過油膩。雞肉份量都幾多，食落唔肥，無三黃雞果種重油脂感覺，肉質唔算十分滑，但一定唔係鞋烚烚，想食滑既肉質可以試下嗌海南雞脾飯。老實講真係食唔出雞既鮮味，雞肉本身已經淋上醬油，有淡淡既咸味，點埋跟飯既泰式辣汁，辣辣地好送飯。兩款加配既小食味道中規中矩，椒鹽豆腐唔係用炸蒜，係用炸過既燕麥片，又幾特別，不過唔夠熱，無咁香口；雞油小棠菜就無咩特別
除左天天海南雞之外，仲引入左其他榮獲新加坡米之蓮推介既餐廳品牌，係香港地咁租貴，加上飲食市場競爭咁激烈，又點能夠只賣海南雞一款食物呢，作為食客就覺得一間餐廳就可以試晒幾間餐廳既招牌菜，夠晒方便。
午市套餐
留意返，仲左主食之外，呢個套餐係set死你一定要加錢配埋小食再加錢配餐飲。講真唔算好吸引，椒鹽豆腐、雞油小棠菜、溏心蛋之類，價錢都唔平，但就一定要你加配，其實我只係想食個海南雞飯姐....
落完單，唔洗十分鐘，好快就上齊菜，碗湯清到好似水，加埋蔥花，味道好淡，感覺似味精雞粉加滾水。
雞油飯幾好味，飯煮到粒粒分明，軟硬適中，有雞油香味，唔會太過油膩。
雞肉份量都幾多，食落唔肥，無三黃雞果種重油脂感覺，肉質唔算十分滑，但一定唔係鞋烚烚，想食滑既肉質可以試下嗌海南雞脾飯。
老實講真係食唔出雞既鮮味，雞肉本身已經淋上醬油，有淡淡既咸味，點埋跟飯既泰式辣汁，辣辣地好送飯。
兩款加配既小食味道中規中矩，椒鹽豆腐唔係用炸蒜，係用炸過既燕麥片，又幾特別，不過唔夠熱，無咁香口；雞油小棠菜就無咩特別。
餐飲叫左金牌奶茶同薏米水，幾欣賞佢杯薏米水，煲到好濃稠，唔會溝水溝到稀晒，又多薏米。
總括$80(未計加小食加餐飲再加一)食一碟普通質素既海南雞飯真係唔抵，唯一可取係餐廳既環境裝潢，同華麗既碗碟(笑)，坊間仲有好多餐廳既味道比佢更出色。
尚未有機會到訪新加坡總店一試滋味，不過香港分店的話相信應該不會再有回頭既機會。
张贴
