影片
更多
2010-12-10
無喺公開地方寫過食評，最多都係喺facebook同朋友分享吓咁啦；但係經過小酒窩激氣事件後，發覺做得好、我哋應該係要比D鼓勵人家嘅！今次係farewell同事，原先唔係諗呢度；如果另一篇食肆評語係審批過關的話，大家應該知發生咩事！先講地方、唔大，但簡潔，我哋坐樓下，應該仲有樓上，因為見到樓梯。食物上嘅選擇還可以，有set dinner，但我哋係散叫。(抱歉，無影相，因為最初無諗過會寫！)頭盤兩個：餃子雞翼，幾特別，雞翼上節釀咗舊餃子肉，味道唔錯；煙三文魚凱撒沙律，三文魚咸咗D，沙律OK。主菜三個：黑松露菌意大利飯、白汁磨菇雞肉意大利粉，呢兩個個白汁做得好香、食完唔會覺得"漏"；千島汁pizza (唔好意思、唔記得個名)，係問店員，佢話係自己鍾意食，唔係甚麼廚師推介。薄批，餅底夠脆，酸酸哋食完唔會滯，OK又唔係話好特別，不過樣樣食物都係熱辣辣上枱！飯後叫咗幾杯滋潤熱飲，都係平時嗰D。其實我哋係"好"咖啡、但聽日仲要番工、怕瞓唔著，所以就放棄勒。職員服務好好，我哋無叫餐前飲，不過佢哋就不停為我哋添水。地方雖然細，但大家都唔覺傾計騷擾到人或嘈雜囉！張枱唔大，但係會兩個兩個菜上，你唔會覺得食得
今次係farewell同事，原先唔係諗呢度；如果另一篇食肆評語係審批過關的話，大家應該知發生咩事！
先講地方、唔大，但簡潔，我哋坐樓下，應該仲有樓上，因為見到樓梯。
食物上嘅選擇還可以，有set dinner，但我哋係散叫。(抱歉，無影相，因為最初無諗過會寫！)
頭盤兩個：
餃子雞翼，幾特別，雞翼上節釀咗舊餃子肉，味道唔錯；
煙三文魚凱撒沙律，三文魚咸咗D，沙律OK。
主菜三個：
黑松露菌意大利飯、白汁磨菇雞肉意大利粉，呢兩個個白汁做得好香、食完唔會覺得"漏"；
千島汁pizza (唔好意思、唔記得個名)，係問店員，佢話係自己鍾意食，唔係甚麼廚師推介。薄批，餅底夠脆，酸酸哋食完唔會滯，OK又唔係話好特別，不過樣樣食物都係熱辣辣上枱！
飯後叫咗幾杯滋潤熱飲，都係平時嗰D。其實我哋係"好"咖啡、但聽日仲要番工、怕瞓唔著，所以就放棄勒。
職員服務好好，我哋無叫餐前飲，不過佢哋就不停為我哋添水。地方雖然細，但大家都唔覺傾計騷擾到人或嘈雜囉！
張枱唔大，但係會兩個兩個菜上，你唔會覺得食得好趕同好狼狽。
我哋傾吓食吓都坐咗兩個半鐘至走，幾優閒，將之前嘅火氣都稍為拋開！
其實香港人生活緊張、忙碌，係人都知；工作以外同朋友家人聚餐、閒話家常呢D活動就係我哋relax嘅一種方法，所以食物質素以外、環境、服務都會好影響整體感覺，個客下次仲會唔會番嚟，都係睇呢D！
我希望用心做事嘅人會有用心支持佢哋嘅客！亦都可以得到佢哋應得嘅回報！
张贴