三河屋 (已結業)

睇左好多食評, 終於忍唔住都要特登去試一試呢間"三河屋"如果你問我鍾意環境多定味道多, 呢樣野真係好個人, 不過我會好貪心甘揀哂兩樣~!好啦, 唔講太多廢話啦, 都係入正題先~~ 首先環境真係冇乜特別 (同一般香港食店 = 細細鋪, 多多, 多多人), 不過用膠杯裝熱茶令我好有番大陸食野feeling , 所以都係集中講下D野食味道比較合適餐單上有好多好吸引美食, 不過胃口唔大我只好選擇鰻魚飯, 螢光魷魚仔同關東煮為我今次"獵物"第一碟上係魷魚仔, 唔唔.. 一放入口第一個感覺係好咸, 除此之外我實在未夠道行食到內裡的鮮味, 再者呢樣係唔係應該要凍食(生)的呢? 如果係需要的話, 我只好說我食的係暖盤...接住上菜的係關"凍"煮...呢一下我確實估佢唔到, 亦都成功嚇呆左我..味道係可以接受..不過我確實接受唔到應該要有熱湯呢D基本野都冇.. 當我步入完全失意時間, 只有佢突然間令我醒一醒!! 熱騰騰的鰻魚飯!!! 終於個組合係冇錯啦, 肥美的魚肉加埋甜絲絲的醬油仲有熱騰騰的飯, 佢好成功將個模樣印係我腦海入面.. 食完呢一餐, 只好繼續再去找尋令人會再三回味的日本菜