반찬앤쿡 Banchan and Cook (時代廣場) (已結業)

Banchan & cook 銅鑼灣同太古城都係有分店，係銅鑼灣呢間平日都好多人等位，想食就早啲黎等。餐廳既裝修都幾別緻，偏向cafe果種比食客打卡風格。食物方面主打蛋包飯，仲有好多韓國風味既料理，例如部隊鍋、白切肉配大醬生菜等，飲品就好少女風，好多都係粉紅色既飲品，士多啤梨或者白桃。個白切肉本身仲諗住好大舊肉會唔好食，點知點左醬配生菜食落唔會覺得肥膩，我本身唔鍾意食肉，都食左幾舊。另外，宜家係白桃當造，緊係要叫反杯白桃梳打，幾清甜，裡面仲有幾塊桃肉添。