日悅極尚日式放題 (已結業)

朋友介紹尖東半島中心的日式放題店，一於試試佢。食日式放題，其實不嬲都去開「大乜屋」，貪佢食開又出名，質素有保證。之但係出名反被出名誤，宜家book位又難，隨時要早幾星期book，然後坐位又迫，叫野食又要等；諗住叫多少少等佢慢慢出，點知佢一野出哂，張枱細到根本擺唔落野食～於是咪周圍八下有無另類放題店，朋友就介紹左呢間「日悅」。首先個場都算幾大，而且又唔算多人，可能因為係平日。兩個人佢都直接俾張四人枱你，對於我呢件大件頭人氏，真係要俾個like佢。食品黎黎去去都係果d，魚生都算正路，賣相同味道都OK，種類都夠食。熟食方面，和牛真係必食；另外如果食榴蓮人士真係必點個炸榴蓮。飲品種類都多，另外雪糕就有哈根大師 同埋movenpick，算係有得揀。整體係滿意，食厭左「大乜屋」可以一試。