大廚出馬

营业中

休息中

土瓜灣街市熟食區地方雖細，但有多家大牌檔，大部份都大件夾扺食。今日同太太去開，食左個早餐。茶餐廳早餐都係A餐B餐，我叫左個雞扒紅腸多士餐，老婆就叫左個叉燒腸。要推介既係佢地既腸粉，腸粉一般都係卷起，靚靚仔仔。佢地就唔係，慳番d工夫，係用個膠鏟鏟起，所以口感唔係滑一滑，外樣有幾分似潮洲腸粉，除左一般既蔥花同叉燒以外，加入左芽菜，食落又幾特別！雞扒紅腸多士餐就一般般，多士唔夠脆口，烘得唔夠！紅腸雞扒份量多，大大塊，食左一日裏面要食肉既份量，雞皮香脆唔肥，反而覺得佢可以細塊少少，大肉，加多樣配菜好過。奶茶就只屬一般，茶味唔夠濃！不過價錢就好平，咁既份量，你仲想點？