影片
更多
2014-11-05
6374 浏览
我地成班親戚約埋係今天一齊聚會，是慶祝我的大伯的生日，佢自己決定黎呢度食既，因為佢話試過，好鍾意呢度食。我地訂左一張，十人行。七點幾，就已經到左，好彩就訂左位，如果唔係，黎到就好似依家咁的情況，座無虛席啦！呢度人山人海，坐到滿一滿咁，我心諗洗唔洗呀，好食到咁多人黎呢度食 – 大中華飯店，佢係長沙灣福榮街539號地下，長沙灣站C2出口直行過大馬路轉右就份，屬於典型的大排檔，係食廣東粵菜，又有海鮮咁……等。大家到齊埋位坐低就由大伯發辦，佢眼都唔望一眼餐牌，就好輕易點晒d菜，不愧係常客。d菜綠綠續續d菜送到上枱，第一碟菜係豬手，吓！豬手？我非常驚訝，係度會有豬手食，一般常見都係德國餐廳先會見到，原來係呢度都有得食到鐵板黑椒豬手。之後枱上面仲有很多餸，但我特別想介紹南乳吊燒鱔、臘味煲仔飯、冰鎮墨魚、豉椒炒蟶子、清蒸花甲。鐵板黑椒豬手：用鐵板盛住熱辣辣的豬手，份量大大件，最喜歡聽到鐵板燒緊的聲，特別覺得好好味，咬落去，仲有脆脆地而肥美的皮包住滲入汁味厚厚的肉，肥而不膩，肉質真係無得彈；南乳吊燒鱔：燒到脆卜卜的金黃色鱔，食得出鱔的鮮味，再以南乳去配搭，味道十分均勻惹味得黎可口鬆脆，口感好正；臘味煲
我地成班親戚約埋係今天一齊聚會，是慶祝我的大伯的生日，佢自己決定黎呢度食既，因為佢話試過，好鍾意呢度食。我地訂左一張，十人行。七點幾，就已經到左，好彩就訂左位，如果唔係，黎到就好似依家咁的情況，座無虛席啦！呢度人山人海，坐到滿一滿咁，我心諗洗唔洗呀，好食到咁多人黎呢度食 – 大中華飯店，佢係長沙灣福榮街539號地下，長沙灣站C2出口直行過大馬路轉右就份，屬於典型的大排檔，係食廣東粵菜，又有海鮮咁……等。大家到齊埋位坐低就由大伯發辦，佢眼都唔望一眼餐牌，就好輕易點晒d菜，不愧係常客。d菜綠綠續續d菜送到上枱，第一碟菜係豬手，吓！豬手？我非常驚訝，係度會有豬手食，一般常見都係德國餐廳先會見到，原來係呢度都有得食到鐵板黑椒豬手。之後枱上面仲有很多餸，但我特別想介紹南乳吊燒鱔、臘味煲仔飯、冰鎮墨魚、豉椒炒蟶子、清蒸花甲。鐵板黑椒豬手：用鐵板盛住熱辣辣的豬手，份量大大件，最喜歡聽到鐵板燒緊的聲，特別覺得好好味，咬落去，仲有脆脆地而肥美的皮包住滲入汁味厚厚的肉，肥而不膩，肉質真係無得彈；南乳吊燒鱔：燒到脆卜卜的金黃色鱔，食得出鱔的鮮味，再以南乳去配搭，味道十分均勻惹味得黎可口鬆脆，口感好正；臘味煲仔飯：材料豐富夠多，d飯做到穫氣十足，水準非常好，又大煲夾抵食，臘味夠搶味，複雜的口感，飯香味吸引到我，味蕾多一種層次的昇華；冰鎮墨魚：凍冰冰咁，味道淡淡，就係咁先食得出鮮味十分，彈口的墨魚，好得意；豉椒炒蟶子：足料大大件，炒的蟶子，將d伴菜同d芡汁入晒味，好夠味，滑溜溜；清蒸花甲：簡單的做法，都做到花甲的新鮮，完完全全食到花甲的鮮甜味圍繞住喉嚨，保持長久，真係甜到入心。成餐每道菜式都碟碟與別不同，驚喜萬分，好食到驟眼已經全軍覆沒了，食到碟碟清光。伯父的眼光真好，果然無介紹錯，今餐帶我地黎食好野，令到我地食得津津有味，肚子滿載而歸！
张贴
