影片
更多
2022-10-14
36 浏览
秋天到啦，有啲凍但係又想食返日本嘢，上網睇見到銅鑼灣有間日本餐廳有特色嘅卷物同埋有熟食食咁就去試吓啦。去到見到有好多唔同嘅清酒樽擺喺窗邊，睇得出佢哋應該都好着重喺酒依一方面。坐咗喺窗邊位可以喺高處眺望銅鑼灣街道車水馬龍嘅景色。而整體環境都係十分之乾淨，夠光猛，位置都算係闊落有位擺嘢之餘，亦都係坐得舒服嘅。日式嘅裝修再加埋日文歌做陪襯令到自己都好似去咗日本居酒屋。見到餐牌佢哋主打唔同嘅卷物，十分吸引，不過我哋就比較保險啲，所以就嗌咗個彩虹卷，蜘蛛卷，一個佢哋推介嘅燒牛舌同埋海老天婦羅。天婦羅首先上菜，冇好繁複嘅裝飾，一碟有五個蝦天婦羅，即使係放咗超過五分鐘仍然都係十分之熱辣辣，佢嘅炸漿十分之薄，唔會話成口都係粉，而蝦肉的都係十分之爽。跟住就係牛舌上枱，同平時出麵食嘅燒牛舌唔同，一方面係好多，而且咬落去嘅口感係十分之軟熟，唔會好靱，食得出個牛嘅香味。就咁食就可以食牛嘅真味，點佢配嘅汁就會令到我覺得冇咁油膩，可以有兩種食法。最後出場嘅就係兩個壽司卷，彩虹卷上面有唔同嘅刺身，例如吞拿魚，三文魚等等，十分繽紛，卷入面亦都會有蟹柳同埋牛油果，朋友表示牛油果質素好好。 壽司卷我覺得醋味係適中，而且啖
去到見到有好多唔同嘅清酒樽擺喺窗邊，睇得出佢哋應該都好着重喺酒依一方面。坐咗喺窗邊位可以喺高處眺望銅鑼灣街道車水馬龍嘅景色。而整體環境都係十分之乾淨，夠光猛，位置都算係闊落有位擺嘢之餘，亦都係坐得舒服嘅。日式嘅裝修再加埋日文歌做陪襯令到自己都好似去咗日本居酒屋。
見到餐牌佢哋主打唔同嘅卷物，十分吸引，不過我哋就比較保險啲，所以就嗌咗個彩虹卷，蜘蛛卷，一個佢哋推介嘅燒牛舌同埋海老天婦羅。
天婦羅首先上菜，冇好繁複嘅裝飾，一碟有五個蝦天婦羅，即使係放咗超過五分鐘仍然都係十分之熱辣辣，佢嘅炸漿十分之薄，唔會話成口都係粉，而蝦肉的都係十分之爽。跟住就係牛舌上枱，同平時出麵食嘅燒牛舌唔同，一方面係好多，而且咬落去嘅口感係十分之軟熟，唔會好靱，食得出個牛嘅香味。就咁食就可以食牛嘅真味，點佢配嘅汁就會令到我覺得冇咁油膩，可以有兩種食法。最後出場嘅就係兩個壽司卷，彩虹卷上面有唔同嘅刺身，例如吞拿魚，三文魚等等，十分繽紛，卷入面亦都會有蟹柳同埋牛油果，朋友表示牛油果質素好好。 壽司卷我覺得醋味係適中，而且啖啖肉好滿足。另外蜘蛛卷就係入面除咗蟹柳之外，亦都有炸咗嘅軟殼蟹，同蝦天婦羅一樣都係十分之 脆同埋薄粉！再加上應該係鰻魚汁令個壽司卷味道更加豐富！壽司卷嘅份量都係足夠嘅，總共食完四樣嘢，都啱啱好夠飽。
見到隔籬枱有一碟菜會有店員放火嚟燒，令視覺有極高嘅享受，打卡真係一流，所以下次都會想再食吓！
张贴
