宏 (已搬遷) 新店位置

好多時星期六下午經過宏，都見有人等位，但今天經過見仍有位，又見到窗櫥擺滿了蛋糕甜品的吸引，同時標榜所有食物原材料都係由日本運到，所以走入去試試我選了麵餐，包括味噌拉麵 + 蘋果紅茶 + 日本草莓小蛋卷味噌拉麵 - 麵條係用100%小麥粉來做，湯底適中，食落麵條很滑，咬下入面帶煙韌及有麥香，麵質唔錯； 叉燒入口軟滑仍有咬口，食落有肉味，不過我仍覺得淡口，可以濃味一些，大致上其實煮得都唔錯。蘋果紅茶 - 睇外形並不特別，祇是用現成茶包，不過仍聞到蘋果嘅香味，喝一下，口裏感到蘋果嘅味道。日本草莓小蛋卷 - 蛋卷並不過甜，食到有濃香嘅蛋味，而我更加喜歡嘅原因，呢個蛋卷食落帶有濕潤，唔似其它店舖嘅蛋糕帶乾；另外我平時並不喜歡食忌廉，但吃一口，這個蛋卷嘅忌廉做得非常幼滑唔溜，小小甜味，真係好好味呀。 最後，我都忍唔住外賣其他味道，除了草莓小蛋卷，還買了香草小蛋卷、咖啡小蛋卷及綠茶小蛋卷