愛上米線 (花園街)

最近呢年見到呢間舖頭開咗好多分店，鍾意食米線嘅我，梗係唔會錯過啦！
去咗呢間舖頭叫外賣，叫咗兩碗米線，一碗係招牌酸菜魚湯米線，加$18加咗一塊豬扒，果然老細冇介紹錯，塊豬扒同米線好夾味道啱啱好。
除此之外，仲叫咗一碗辣肉拌米線，對於食得辣嘅我來講，依碗就唔係太過辣，但係食唔到辣嘅屋企人，就覺得口味重咗少少。
另外，我仲分開叫咗一啲小食，叫咗$1蔥油餅同埋一碟雞翼。平時去開其他舖頭食米線一定會加雞翼，所以今次都試一試愛上米線嘅雞翼，果然冇令我失望。脆脆地嘅雞翼加上熱辣辣嘅湯底，即使食到流晒汗都覺得好正！