吃吧 (僑建大廈) (已結業)

完全估唔到係旺角，可以有一間咁高質嘅西餐廳存在，旺角簡直可以改名做「古佢梧島」。間餐廳距離油麻地地鐵站只係幾分鐘，位置非常方便，非常容易去。上到去環境都好舒服，擺設可愛，有啲好似去咗森林嘅感覺😆食物方面真係冇得彈，上菜都好快，價錢同質素成正比。等我逐樣介紹下啦！小食我就叫咗墨西哥烤雞餅同埋吃吧招牌拼盤。墨西哥烤餅熱辣辣，每人一件當小食一流，超多芝士！如果想影相呃like，咁就一定要嗌招牌拼盤，一上枱就充滿仙氣，每件小食都好擺心機。五樣嘢之中我最鍾意鵝肝酥盒，上面有蘋果粒簡直畫龍點睛，就算唔影相都要嗌（我覺得）🤤主菜我叫咗軟殼蟹肉醬千層麵、西班牙魷魚海鮮飯、仲有德國鹹豬手。每一樣我都覺得整得好正宗，好有去外國食嗰種感覺同味道，真係好正好正好正！！特別係個千層麵，同我喺英國食過嘅味道一模一樣。德國鹹豬手係另外一個重頭戲，第一次見一隻鹹豬手係我面前着火，好震撼，差啲想叫消防員嚟滅火飲品方面，如果你想增肥，或者肚腩完全唔係你身上都存在，可以考慮叫曲奇朱古力奶昔。材料非常豐富，簡直係個杯度開派對呢間餐廳我下次一定會再去，因為真係好正。完。