悅滿軒

去開荔枝角，想搵間雅緻嘅西餐廳鋸個扒，又唔想去平時鬧市中嘅餐廳，咁今次我就有好介紹喇！要介紹嘅E一間西餐廳位於被評定為香港三級歷史建築，經過保育活化改建成嘅饒宗頤文化館入邊。餐廳嘅外觀是富有歷史色彩嘅紅磚牆，入邊就係裝修雅緻嘅西餐廳格局。🤩今次嚟到，緊係要試下佢牛扒嘅質素！🍽首先，佢會奉上一份餐湯同埋沙律。之後，就會有一份同一個人塊面咁大嘅牛扒送到你面前！😮份牛扒我叫咗七成熟，整體而言煮得唔錯。餐廳環境幾好，餐飲價錢公道，無論係情侶、三五知己定一家大細都好啱嚟試架！😎