兜記即燒乳豬專門店 (已結業)

踏入兜記俾我第一個感覺就係古色古香，好喜歡碗碟器皿上的錦鯉圖案，好簡單典雅，而酒樓屬中型格局，沒有連鎖集團的金碧輝煌，令人感到舒服自在。兜記既然係即燒乳豬專門店當然叫上乳豬，亦叫燒鵝一試，另有龍躉兩味及叫上粗齋煲。即燒乳豬叫上四分一隻，乳豬皮微暖，皮下脂肪不多，點上乳豬醬再包上餅皮內依然感受到乳豬皮的鬆化脆口。乳豬皮下有已切開的乳豬肉，肉質嫩滑。四分一隻燒鵝感覺上與四分一隻乳豬碟頭差不多，燒鵝皮亦係微暖，如果再熱一點皮脆更佳。鵝肉嫩滑多汁，皮下脂肪不太多，唔會食到滿口肥油。近期上酒樓都愛叫龍躉兩味，貪其炒球啖啖肉又彈牙，蒸頭腩就有骨香而且皮厚膠質濃。當晚的龍躉非常新鮮，厚件肉質異常鮮甜。南乳粗齋大煲滾熱辣，南乳唔會落得太多顏色變得太紅。煲內有粉絲白菜竹筍雜菇，經南乳輕輕調味味道可口。飯後送上兩款免費甜品，南瓜西米露南瓜份量不多，對南瓜敏感者都可食用。椰汁紅豆糕唔會太甜，清清地作為飯後甜品唔會食滯。