花月宮 (已結業)

乾淨舒服抵食，適合聚會👍尖沙咀火鍋店，地點唔算近地鐵站喺金巴利道68號電梯上兩層，適合揸車人士，附近泊車啱啱好。餐廳宮廷式嘅裝修，簡單嘅格局，外面招牌放滿形形色色嘅招財貓，打卡一流。🥢惹味酸菜魚鍋$168酸菜魚鍋，超級大鍋，每一次撈起都係可以撈到酸菜魚。仲有好多配菜，萵筍、芽菜、雲耳、蓮藕，豐富嘅酸菜！如果兩個人嚟食，叫酸菜魚鍋另外加多兩三個小食都夠。🥢風花雪月餃子拼盤(12粒) $168宮庭架放住一隻隻嘅餃，幾別緻。重慶辣子雞肉餃、特色蛋餃、韭菜餃、野菌黑松露餃等等，水餃包裝得厚實足料，每隻都脹卜卜，擺盤精美，味道一流。🥢炸支竹 $38夠10個人食嘅支竹份量！🤣有驚喜估唔到有咁多。🥢手打墨魚丸(4粒) $58新鮮彈牙，彈牙得來入邊仲有粒粒嘅墨魚🥢薄切牛舌心$88薄切嘅牛舌心都有牛味，口感爽彈🥢椒鹽鮑魚$88火鍋店仲有熟食，鮑魚大隻，肉質彈牙， 椒鹽惹味。餐廳仲有電視睇，適合一大班人朋友聚餐，傾偈飲酒睇電視，尖沙咀不錯嘅火鍋之選。