花月宮 (已結業)

最近開始入秋，所以係打邊爐食火鍋既好時機。最近就去左尖沙咀既【花月宮】打邊爐。餐廳座位唔多，但每個位置都好濶落。 四川麻辣鍋：未食過所以叫小辣，但係我地覺得唔夠辣，平時可以食辣既可以由普通或者中辣開始，唔夠再叫店員加辣。湯底本身有葱蒜、鴨血同豆腐。 美國頂級手切封門柳：分量算多，肥膏比較少，肉味濃 風花雪月手打丸拼盤：有total 6款手打丸，包括元貝丸、鮑魚丸、墨魚芝士丸、墨魚丸、蝦丸同黃金蝦丸。個人最推墨魚芝士丸、墨魚丸同蝦丸，非常彈牙。 鳳城水餃：有蝦同豬肉再加木耳同芹菜，非常飽滿而且彈牙。 自家製脆炸響鈴：真係新鮮炸氣，熱辣辣。可以就禁食，但個人覺得放入火鍋吸曬湯最好食。 野生竹笙：呢個絕對要推薦，份量多，而且吸滿湯汁。就算放耐少少，都有D脆脆既口感。 娃娃菜、薯粉：分量好多，好吸湯 檸檬薏米水：非常解渴，酸酸甜甜，不錯 P.S.另外要收醬料錢