麻辣仙宮 (已結業)

呢度真係一間充滿古色古香裝修嘅川菜餐廳， 餐廳位於大角咀， 旺角地鐵站行六至七分鐘就到，其實都好方便。 最正嘅係呢度嘅裝修非常之靚， 座位夠多又夠闊，坐得舒服😎。 我哋兩個人先嗌半隻雞煲😻，原來半隻嘅份量都唔少。濃郁惹味醬汁包裹雞件，麻辣鮮香! 忍唔住嗌咗碗白飯🍚🍚嚟一齊食。 之後就到今日嘅重頭戲🤩：自選香鍋～今次簡左孜然口味，食落無咁辣但又夠晒香口😌。推介：必點大腸！喜愛內臟既朋友唔好錯過！炸得香脆可口。好開心呢度有蓮藕仔，真係好爽脆又勁吸味。即炸薯片卜卜脆，但食起黎比較淡。香鍋一定一定要加寬粉，煙煙靭靭又充滿孜然香氣，好食好過癮。 最後點少得食川菜必點既紅糖糍粑呢～ 呢度糍粑炸得外皮香脆內心軟糯，如果炸耐多小小就更好啦。加上調製過既紅糖漿，香香甜甜，真係一道完美既ending 菜🤟😆！