麻辣仙宮 (已結業)

天氣轉冷，又係時候食d辣野暖暖胃！呢間係位於大角咀嘅川菜館，小店一間但裝修好有心思，宮廷式嘅裝修令餐廳好有古典味，食起中菜黎都份外有feel。今日午餐時間黎到，weekend都有各類午巿套餐選擇，大部分都係一款主菜配白飯同野飲，大概$50起跳，都幾抵食👍🏼👍🏼麻椒手撕雞🐔($168/半隻) - 先黎一碟冷盤手撕雞😗 我地叫左微辣，所以好易入口又唔會食到流哂汗🤣 味道辣得黎帶有微酸，入面除左辣油之外仲撈左蒜粒芫荽青葱粒等，非常惹味！午巿自選乾鍋套餐🍲($129) - 午巿乾鍋可以自選3款配料，最愛乾鍋嘅我當然要加錢叫多幾樣餸😈 我嘅乾鍋有牛肉，雞球，豬頸肉，牛柏葉，娃娃菜同薯粉🤣 sorry係豐富左d！必食一定係牛柏葉同薯粉，乾鍋係無汁嘅但炒嘅過程加左好多香料，牛柏葉同薯粉都索哂d味，微辣得黎充滿麻香！😋午巿自選酸辣粉套餐🍜($60) - 呢個係扺食之選，大大碗酸辣粉包3款配料同野飲😮 我地揀左水晶粉，大概好似米線咁粗但係透明嘅，好似薯粉質感煙煙韌韌，同酸辣湯幾夾。京葱炒牛肉🥩($88) - 京葱爆香配以咸咸甜甜嘅醬汁同牛肉爆炒，牛肉嫩滑，餸飯一流。