老鍋台式火鍋 (京都廣場) (已結業)

一入呢間火鍋店，門口已經見到放天燈嘅畫面及一盞盞燈籠，很有台灣特色。裝潢亦古色古香。台式火鍋注重湯底，有秘製麻辣、酸菜白肉、膠原蛋白美人及尚膳養生鍋。 揀咗獨特醒胃嘅～老饕酸菜白肉鍋（$158）鍋嘅材料好多，醃製大白菜、豬王花腩、寬粉絲、蕃茄、粟米、香菇等等。湯底酸味好香濃；寬粉絲吸收了湯汁，份外入味；花腩一層肥一層瘦，好有口感。小食：台灣蒜香腸（$48）鍋物：特級美國安格斯雪花肥牛（$188）涮鍋小羊肉片（$98）梅菜豬肉丸半份（$48）魚皮餃半份（$48）我就喜歡雪花肥牛及梅菜豬肉丸，而細佬就好鍾意濃味的羊肉片及蒜香腸😋😋 大愛嘅冷泡白桃烏龍茶（$28）清香去膩