中國冰室 (已結業)

上網都睇左好耐~終於有機會黎啦~門面都好舊下~入面D野都係~但係就係依種味道吸引到我~一入到去~有個中年既女士好熱情咁招呼我地~好親切呢~朋友先叫佢一個午餐C~叫左牛油麵包，火腿奄列同埋火腿公仔麵~而我就叫左個紅豆蓮子冰同埋咖央西多士~個火腿奄列真係好大件~而且我朋友都話唔錯~搞到我都想食~而紅豆蓮子冰就真係期待已久~係同出面個D唔同D~蓮子同紅豆既硬度係岩岩好~而且用料十足~比例剛剛好~絕對值十八大元~至於個咖央西多仲正~外表金黃~D醬就好多~見到都流口水~好耐無食到咁正既咖央西多~D咖央醬好滑~而且甜度剛剛好~