西關老祖 (文苑樓) (已結業)

有日經過覺得間鋪幾得意 最特別係炸糭 所以就買黎試下鋪頭係自助買飛 有啲似日本嘅拉麵店原本想食埋瀨粉 點知已經賣晒 炸黑毛豬肉糭第一次聽炸糭 所以覺得一定要試下開頭以為係立體三角形 點知原來係一條 切埋片有啲砂糖點下 好似食緊真糭咁但個口感好特別 煙煙韌韌咁 好好食 爆炒XO醬腸粉炒得好香口 好好味！ 爆炒蘿蔔糕聽店員講係自家製蘿蔔糕仲唔會食落口散晒咁 好味搞到有啲心思思下次買底蘿蔔糕返去煎！ 鋪頭得一個位置如果想堂食就建議早啲去啦～不過店鋪鄰近佐敦站同柯士甸站其實想買外賣返去都好就腳！好方便！希望下次去可以食埋個粉仔就好！